رام الله مكس – تباينت ردود أفعال الفنانين على قرار الفنانة حلا شيحة بخلع الحجاب والعودة للتمثيل، الذي أعلنت عنه من خلال بيان صحفي، أمس الأربعاء.
عبرت الفنانة شذى عن دهشتها من استقبال الكثيرين خبر عودة حلا شيحة للتمثيل بسعادة، وكتبت عبر صفحتها في فيسبوك: “اللي يلبس الحجاب أو يقلعوا براحته دي حاجة بينه وبين ربنا، بس اللي مش بينوا وبين ربنا أنه يجرم اللي مش متحجب ويطلعوا مش متدين ويلوش في الفن والفنانين، وبعدين في ثانية هوب يقرر يرجع تاني، والمفروض إن اللي اتلوش فيهم وكانوا في نظره كفار يستقبلوا عادي ويتعاملوا عادي، ارحمونا بقا والنبي إيه صفيحة الزبالة اللي إحنا عايشين فيها دي”.
أما الفنانة وفاء عامر، فنشرت عبر صفحتها في فيسبوك، صورة للفنانة حلا شيحة بالنقاب ومن دونه، معلقة على قرار عودتها للتمثيل بعد أعوام من الاعتزال، قائلة: “حلا شيحا بنت اشتغلت معايا في مسلسل.. كانت صادقة في كل حياتها وتقمصها لشخصياتها.. هي حرة وربنا هو اللي عالم بصدقها وبحبها بأشكالها”، وأضافت: “حلا شيحا حرة وبنت محترمة جدا ومحدش ينطق بحاجة ضد فهمي للحرية”.
وكتب أحمد وفيق على صفحته في فيسبوك: “اللي يغير أفكاره.. أو رأيه.. أو قناعته.. أو حتى مبادئه.. ده دليل أنه عايش صح.. يعني بيشغلها لا مؤاخذة .. مش قافلها”.
كما رحبت الفنانة آيتن عامر بعودة حلا شيحة للتمثيل واتخاذها قرار خلع الحجاب، وغردت قائلة: “أحب أفكركوا إن كل واحد حر، كل واحد حقه يمشي حياته زي ما هو عايز، كل واحد حر في اتخاذ قرارات حياته، مفيش حد وصي على حد .. نورتينا”.
